(चाल : अरे ! हरी पाहिले स्वप्न...)
(अरे हरी !) स्वस्थ का उगा ? उगा, धाव वेगे ।
काळ येउनी उरी लागे ॥धृ.॥
वेळ पातली, न पाहवे डोळा, न कर्णी ऐकू ये चाळा ।
जीभ बोबडी, शब्द गुंग झाले,कंठ खरखरा स्वरी चाले ॥
कफाची हली, वपू-रोग जडले, धेर्य है देहातुनि गळले ।
स्मरण राहिना, वृत्ति क्षणि भंगे ॥ काळ ये...॥१॥
वेळ ही अशी न्यावया उभी झाली, वासना पुनर्जन्म व्याली ।
वाटते असे, असे सांगवेना, संशय होति उभे नाना ॥
गती कोणती, होईल या प्राणा ? परी भरवसा तुझा सजना !
पुरा वाटतो, काळ कंठवेना, ऐक बा ! दीनाची करुणा ॥
काय पाहतो ? घे करुणा वेगे ॥ काळ ये... ॥२॥
ब्रीद हे तुझे, तुझे सांगवेना, धावसी भक्तांच्या कामा ।
ऐकली स्तुती, स्तुती भक्तवाणी, ब्रीद रक्षितो चक्रपाणी ॥
अभागी पुरा, न धावसी म्हणुनी, ऐक बा ! शब्द तरी कर्णीं ।
चित्रपट उभे, काळाचे झाले, बंद इंद्रिये श्वास डोले ॥
उसळतो वरी, वरी प्राण जागे ॥ काळ ये... ॥३॥
किती पाहसी, पाहसी वेळ करुनी ?
कि नेईल काळ असा धरुनी ?
कोण आडवे येईल मग स्मरणी ? न्यावया पदपंकज भुवनी ?
तुझ्या श्रीहरी, श्रीहरी ! सांग वेगे,
दास तुकड्या चरणी लागे ॥
स्वस्थ का उगा ॥ काळ ये... ॥४॥
(अरे हरी !) स्वस्थ का उगा ? उगा, धाव वेगे ।
काळ येउनी उरी लागे ॥धृ.॥
वेळ पातली, न पाहवे डोळा, न कर्णी ऐकू ये चाळा ।
जीभ बोबडी, शब्द गुंग झाले,कंठ खरखरा स्वरी चाले ॥
कफाची हली, वपू-रोग जडले, धेर्य है देहातुनि गळले ।
स्मरण राहिना, वृत्ति क्षणि भंगे ॥ काळ ये...॥१॥
वेळ ही अशी न्यावया उभी झाली, वासना पुनर्जन्म व्याली ।
वाटते असे, असे सांगवेना, संशय होति उभे नाना ॥
गती कोणती, होईल या प्राणा ? परी भरवसा तुझा सजना !
पुरा वाटतो, काळ कंठवेना, ऐक बा ! दीनाची करुणा ॥
काय पाहतो ? घे करुणा वेगे ॥ काळ ये... ॥२॥
ब्रीद हे तुझे, तुझे सांगवेना, धावसी भक्तांच्या कामा ।
ऐकली स्तुती, स्तुती भक्तवाणी, ब्रीद रक्षितो चक्रपाणी ॥
अभागी पुरा, न धावसी म्हणुनी, ऐक बा ! शब्द तरी कर्णीं ।
चित्रपट उभे, काळाचे झाले, बंद इंद्रिये श्वास डोले ॥
उसळतो वरी, वरी प्राण जागे ॥ काळ ये... ॥३॥
किती पाहसी, पाहसी वेळ करुनी ?
कि नेईल काळ असा धरुनी ?
कोण आडवे येईल मग स्मरणी ? न्यावया पदपंकज भुवनी ?
तुझ्या श्रीहरी, श्रीहरी ! सांग वेगे,
दास तुकड्या चरणी लागे ॥
स्वस्थ का उगा ॥ काळ ये... ॥४॥