वं. राष्ट्रसंतांचे साहित्य शोधण्यासाठी
🔥 सुचना क्र. १ : या संकेतस्थळावर वं. राष्ट्रसंत श्रीतुकडोजी महाराजांचे समग्र साहित्य (गद्य - पद्य) अपलोड करणे सुरू आहे. हे काम पूर्ण होईपर्यंत आपणास काही साहित्य अपूर्ण / अव्यवस्थित दिसेल. त्याकरिता दिलगिरी व्यक्त करत आहोत. हे काम पूर्ण झाल्यानंतर आपणास तशी माहिती देण्यात येईल. जय गुरु ! 🙏 🔥 सुचना क्र. २ : कुठलेही भजन किंवा गद्य - पद्य साहित्य शोधण्यासाठी शक्यतोवर त्यात असलेल्या साध्या शब्दांची निवड करावी, जसे की 'मंगलमय नाम' / 'चरण तयांचे'. जोडशब्द, वेलांटी, उकार असलेले शब्द संकेतस्थळावर उपलब्ध असलेल्या शब्दाप्रमाणे असावेत अन्यथा आपल्याला हवे असलेले साहित्य दिसणार नाही. धन्यवाद !

मज नको नको ही आशा

(चाल : ना छेडो गाली देऊँगी...)

मज नको नको ही आशा,
व्यर्थ तमाशा कासया ? ॥धृ.॥

जमवूनी द्रव्य-धन- दारा, घरदार - शेति - परिवारा ।
मग लुटती चोर पसारा, हा भव-भारा कासया ? ॥१॥

जे मिळेल तेची खावे, प्रभु-पदी लीन वागावे ।
ही वेळ सुखे निभवावे, मायिक पाराहि कासया ? ॥२॥

जरि दुःख शरीरा झाले, तरि सहन करावे घाले ।
तुकड्याने तन अर्पियले, दुसऱ्या द्यावे कासया ? ॥३॥