दुर्बल या हृदयातुनि, चंचल या चित्तातुनि ।
झुरझुरत्या नेत्रातुनि, स्वरुप पाहु दे ॥ मंगल... ॥१॥
अंधाऱ्या, निर्जन वनि, विषयांच्या काट्यांतुनि ।
चौऱ्यांशी गोट्यातुनि, पार जाउ दे ॥ मंगल... ॥२॥
संतांची बोध-धुळी, लागो या देह-कुळी ।
भक्तीच्या प्रेम-जळी, मस्त होउ दे ॥ मंगल... ॥३॥
मन्मानस - मंदिरात, सिंहासन तव प्रशांत ।
'सोहं' ध्वनि गात गात, रंगि रंगु दे ॥ मंगल... ॥४॥
भवसागर कठिण घोर, षड्रिपु हे करिति जोर ।
तुकड्याची नाव पार, स्थीर होउ दे ॥ मंगल... ॥५॥