(चाल : हे राष्ट्ररूपिणी गंगे...)
हे दीनदयाळा, रामा !
कामा आला बहुतांच्या तूं ॥धृ.॥
शीळा पाहुनी अहिल्या, देसि चरण रज-प्रेमा ।
जागृत करुनी देह तियेचा, नेसि स्वये निज धामा ॥१॥
ऋषीश्वरांचे रक्षण करण्या, वधसी असुर सुकामा ।
स्थळोस्थळी, आश्रमी जाउनी, उध्दरिले घनश्यामा ! ॥२॥
कोळी वाल्मिक पश्चात्तापे, जपता उलट्या नामा ।
शब्दभेद नच काही जाणुनि, देसि तया विश्रामा ॥३॥
तव महिमार्णव गाति पुराणे, नेति म्हणुनि अभिरामा !
तुकड्यादास लीन तव चरणी, धरुनि हृदयि तव नामा ॥४॥