वं. राष्ट्रसंतांचे साहित्य शोधण्यासाठी
🔥 महत्वाची सूचना : या संकेतस्थळावर वं. राष्ट्रसंत श्रीतुकडोजी महाराजांचे साहित्य (गद्य - पद्य) अपलोड करणे सुरू आहे. हे काम पूर्ण होईपर्यंत आपणास काही साहित्य अपूर्ण / अव्यवस्थित दिसेल. त्याकरिता दिलगिरी व्यक्त करत आहोत. हे काम पूर्ण झाल्यानंतर आपणास तशी माहिती देण्यात येईल. जय गुरु ! 🙏

कठिण गमे हा काळ

(चाल : ठेवू कुणावर भार...)

कठिण गमे हा काळ जिवाला ॥धृ.॥

सोडुनिया मज अंतरले प्रभु,
विरह न साहे पळहि मनाला ॥१॥

सांगा कुणि तरि गोपाळांनो !
कुंजवनी प्रभु कवणा दिसला ? ॥२॥

नेला हरवुनि गौळणिने का ?
नेतांना दिसला कि कुणाला ? ॥३॥

घाबरली मम वृत्ति उदासी,
वृक्षलतांनो तुम्हि मोहविला ? ॥४॥

तुकड्यादास म्हणे करु कैसे ?
प्रभुविण जीव नुरेसा झाला ॥५॥