वं. राष्ट्रसंतांचे साहित्य शोधण्यासाठी
🔥 महत्वाची सूचना : या संकेतस्थळावर वं. राष्ट्रसंत श्रीतुकडोजी महाराजांचे साहित्य (गद्य - पद्य) अपलोड करणे सुरू आहे. हे काम पूर्ण होईपर्यंत आपणास काही साहित्य अपूर्ण / अव्यवस्थित दिसेल. त्याकरिता दिलगिरी व्यक्त करत आहोत. हे काम पूर्ण झाल्यानंतर आपणास तशी माहिती देण्यात येईल. जय गुरु ! 🙏

वनवासी म्हणविणाऱ्या !

(चाल : वनवासी राम माझा...)
 
वनवासी म्हणविणाऱ्या !
कोणी धाडिले तुला ? ॥धृ.॥
 
भक्त-काज पुरवायासी,
धावूनिया गेला ॥१॥
 
भिल्लिणिची बोरे खासी,
शांतविण्या तिजला ॥२॥
 
राजऋषी भेटी छाया,
असुर वधायाला ॥३॥

शिला अहिल्येची बघुनी,
उठविण्या तियेला ॥४॥
 
शांतविण्या तुकड्यादासा,
वेळ काय केला ? ॥५॥