अखिल विश्वमंदिर माझ्या आत्ममूर्तिचे ।
खेळ हे निसर्गे त्याच्यां कार्य - पूर्तिचे ॥धृ.॥
वाहती नदी-सागर हे, स्नान घालण्या तयासी ।
पृथ्वि हेच सिंहासन त्या चक्रवर्तिचे ॥ माझ्या... ॥१॥
वसंतबाग फुलला फलला, हार अर्पिण्या तयासी ।
सुगंधित चंदनकाष्ठे, गंध हे पुजेचे ॥ माझ्या... ॥२॥
पृथ्वि अन्न शिजले जे जे, भोग द्यावयास यासी ।
जळति द्रव्य-धातू सगळे,हवन होतसे ॥ माझ्या... ॥३॥
सूर्यचंद्र नंदादिप हे, जळति ज्योत द्यावयासी ।
पवन मंद वाहे सुखवी, हृदय हे तिचे ॥ माझ्या... ॥४॥
निर्विकल्प चिद् आत्मा हा, भोगुनी अभोक्ता राही ।
दास सांगतो तुकड्या हे भाव स्फूर्तिचे ॥ माझ्या... ॥५॥