ॐ
वं. राष्ट्रसंत श्रीतुकडोजी महाराज - विरचित
आनंदामृत
(ओवीबद्ध ग्रंथ)
प्रकरण पहिले
॥ श्रीगणेशाय नमः । श्रीसरस्वत्यै नमः । श्रीगुरुभ्यो नमः ॥
ॐ नमोजी विनायका । स्वरूपसुंदरा सुखदायका ! ।
सकळ विघ्न निवारका । मूळपुरुषा गजानना ! ॥१॥
सरळ सोंड नासिक । लंबायमान लवचिक ।
दंती तेजाची झुळुक । दीप्ति पडे मुखावरी ॥२॥
मस्तकी मुकुट रत्नांकित । कंकण मुद्रिका मंडित हस्त ।
मस्तकी मुकुट रत्नांकित । कंकण मुद्रिका मंडित हस्त ।
उदरी त्रिवळी शोभत । त्रैलोक्य संपूर्ण भरले असे ॥३॥
तू सिद्धिबुद्धीचा दाता । सकळ विद्यांचा भर्ता ।
तू सिद्धिबुद्धीचा दाता । सकळ विद्यांचा भर्ता ।
सकळ कलांचा अधिष्ठाता । सबल मायाभंजना ! ॥४॥
तूचि सर्व सृष्टीचा कर्ता । मायातीत गुणभरिता ! ।
तूचि सर्व सृष्टीचा कर्ता । मायातीत गुणभरिता ! ।
तू ब्रह्म सनातन अव्यक्ता ! । निर्विकारा जगद्वंद्या ! ॥५॥
तुझे वर्णू जाता गुण । वेडावला चतुरानन ।
वासुकी पावोनिया शीन । जिव्हा चिरोन बैसला ॥६॥
ऐसा अगम्य अगोचर । लंबोदर मूर्ति तू ॥७॥
तेथे मी अल्पमति मानव । काय वर्णू शके ? ॥८॥
ग्रंथरचनेची आर्त । मने घेतली स्फूर्त ।
निर्विघ्न करी सावचित्त । विनवणी हेचि असे ॥९॥
शुभ्रवसन, कंचुकी वरी । शोभे सुंदर मौक्तिकांनी ॥१०॥
कपाळी कुंकुमतिलक । वाटे केवळ माणिक ।
नासिकेचे झळकती मौक्तिक । प्रभा पडे मुखावरी ॥११॥
रत्नखचित किरीट । मस्तकी शोभे लखलखाट ।
पदी जोडवे अनुवट । काय वर्णू शोभा ती ॥१२॥
मस्तकी कुरळ केशकलाप । जणू दिसे षट्पदांचा गुंफ ।
सुगंध देखोनिया अमूप । भ्रमर घालिती रुंजीते ॥१३॥
आदिमाया मूळप्रकृति । चहू वाचांची जन्मदाती ।
सकळ विद्यांची स्फूर्ति । देशी भक्तां लागुनी ॥१४॥
तरि या ग्रंथाचिये अवधाने । रस भरी वो रसने ।
दास-इच्छा कृपादाने । पूर्ण करी कृपावंते ! ॥१५॥
आता मागणे यापरी । मम रसनेवरी वास करी।
रंग कला नाना कुसरी । ग्रंथामाजी ओवी वो ॥१६॥
यथामति तुझे स्तवन । केले असे अल्प जाण ।
प्रेमभरे करी ग्रहण। हीच सेवा दासाची ॥१७॥
गंगोदके गंगापूजन । जेवि करिती सज्जन ।
तेवि वागीश्वरी तू असोन । तुझी वाणी तूज ओपिली ॥१८॥
लोकसेवेचे निमित्त करून । मने घेतली धाव जाण ।
म्हणोनि आनंदामृत ग्रंथ प्रमाण । निरूपणार्थ घेतला ॥१९॥
महाराज आडकोजी समर्थ । तुकड्यादास तयाचा अंकित ।
सेवूनि तयांचे पदामृत । चरणी लीन जाहला ॥२०॥
इतिश्री आनंदामृत ग्रंथे । वेदान्तसार संमते ।
तुकड्यादास विरचिते । प्रथम प्रकरण संपूर्णम् ॥२१॥