(चाल : भूमिदानाचं वेड कसं लागल !...)
भूमिदानाला देवोनि चालना,
करु खेड्याची मिळोनी रचना ॥धृ.॥
ब्राह्मण-कुणबी कुठला, महार-चांभार कुठला,
मानवधर्म अपुला ।
एक होवोनि पाळू या वचना ॥१॥
सारे कष्ट करु, हाती टिकास धरु,
वाचे देवा स्मरु ।
राव-रंकांचा भेद नाही ठेवुना ॥२॥
आपण लोहार-सुतार, शिंपी-कुंभार-बेलदार,
भंगी -वैद्य-वडार ।
अमुच्या गावात भिकारि राहिना ॥३॥
मिटवू झगडा गावात, नाहि सरकारी बात,
आमुचा न्याय आमच्यात ।
कोणि दुर्गृण राही-मजाल ना ! ॥४॥
आम्हि रस्ते सुधरु, विहिरि-संडास करू,
रात्री जागली फिरू ।
करु गावात समुदाय प्रार्थना ॥५॥
युवका देऊ व्यायाम, सर्वा शिकवू हे काम,
वाढवू गावाचे नाम ।
तुकड्या म्हणे होऊनि खुशालना ॥६॥