लागो प्रभु ! तव छंद मनाला, लागो प्रभु ! ॥धृ.॥
अघोर हा भव-पाश- तमाशा,
स्वप्नासम फसवी मम आशा ।
सौख्य नसे मन वांछि तयाला ॥१॥
सुख- शोधार्था व्यर्थ भटकलो,
सुख नाही पण दुःखि लटकलो ।
फास गळा यमकुंड मिळाला ॥२॥
गुरु- पदसेवा नाठव झाली,
विषय - श्रृंखला येउनि पडली ।
प्राण तुझ्याविण विपरित गमला ॥३॥
आठवती नाठवती झाली,
नाठवती येउनिया पडली ।
संगतिने निज जीवहि फसला ॥४॥
श्रीगुरु आडकुजी सुख-सखया !
ब्रीद तुझे जाइल की वाया ।
तुकड्यादास पदांबुज धाला ॥५॥